(NI JERRY OLEA)

KASALI  sana siya sa isang TV series. Kaso, may kondisyon siya — kailangang meron siyang sariling glam team.

Eh, wala iyon sa production budget. Kaya ang sabi ng executive producer kay young starlet, “Kung gusto mo ng glam team, ikaw ang magbayad. Pwedeng kaltasin sa TF mo!”

Nagmatigas ang young starlet, “No way! Kung wala kayong maibibigay na glam team for me, ayoko na! I quit!”

Sa tingin ninyo, magkakaroon pa ba ng regular TV show ang hitad?

    ###

Natanso ang isang kilalang aktres.

Umibig siya sa isang guwapong aktor, na mahilig makipaglaro ng espada sa mga kapareho ang gender.

Once upon a time, ang singer-actress na ina ng kilalang aktres ay nagmahal din sa isa ring guwapong aktor.

Dito ipinatungkol ni singer-actress ang linya sa isang kanta niya kaugnay sa pag-swallow ng pride.

“Like mother, like daughter,” mabining pagbuntong-hininga ng isang multi-awarded broadcaster.